Urdu

Urdu : Hindustaan mein musalmaanon ki aam zabaan ko "Urdu" kehte hain.

Targeebi Baat

Urdu bahot achchhi aur pyaari zabaan hai, is zabaan mein humaare buzurgon ne bahot achchhi achchhi kitaabein likhi hain. Qur'aan wa Hadees ki baaton ko wazaahat ke saath bayaan kiya hai aur Islaam ki ta'aleem ko bahot aasaan andaaz mein samjhaaya hai, in baaton ko poore taur par hum usi waqt samajh sakenge, jab ke is zabaan ko seekh lenge aur Urdu likhna padhna aa jaayega, is liye Urdu zabaan ka seekhna bhi humaare liye bahot zaroori hai, khoob mehnat se aur ji laga kar Urdu zabaan seekho, Urdu padho, Urdu likho aur Urdu bolo.